Tragjedi në Shtime: Një e vdekur

July 6, 2026 Lajmet e Fundit

Një ngjarje e rëndë ka ndodhur pasditen e së shtunës në Shtime, ku një grua 46-vjeçare ka humbur jetën pasi dyshohet se ka rënë aksidentalisht nga kati i tretë i një ndërtese.

Sale!
👶🚽 Shkallë për Tualet – Agimi-AS | Froni Shop
Original price was: 30 €.Current price is: 20 €.
🟢 Porosit në WhatsApp 🔵 Shkruaj në Messenger

Sale!
🎁⌚🎧 DHURATA IDEALE për çdo rast! 🎁
Original price was: 32 €.Current price is: 21 €.
🟢 Porosit në WhatsApp 🔵 Shkruaj në Messenger

Lajmi është konfirmuar për Sinjalin nga zëdhënësi i Policisë së Kosovës për rajonin e Ferizajt, Kanun Veseli, i cili ka bërë të ditur se rasti është raportuar më 5 korrik 2026, rreth orës 18:50.

Sipas Policisë, autoritetet kanë pranuar informacion se një grua kishte rënë nga kati i tretë i një objekti në rrugën “12 Qershori” në Shtime. Menjëherë pas marrjes së njoftimit, njësitë policore dhe ekipi i Emergjencës kanë dalë në vendin e ngjarjes.

46-vjeçarja është gjetur me lëndime të rënda dhe fillimisht është transportuar për trajtim në Qendrën Kryesore të Mjekësisë Familjare (QKMF) në Shtime. Megjithatë, pavarësisht përpjekjeve të stafit mjekësor, rreth orës 19:20 Policia është njoftuar se ajo kishte ndërruar jetë si pasojë e plagëve të marra.

Në vendngjarje kanë dalë prokurori i shtetit, hetuesit policorë dhe krimteknikët rajonalë, të cilët kanë kryer ekzaminimet dhe kanë mbledhur provat e nevojshme për sqarimin e plotë të rrethanave të rastit.

Sipas hetimeve paraprake, dyshohet se viktima ka rënë aksidentalisht së bashku me disa shtylla metalike, megjithatë rrethanat e sakta të incidentit mbeten objekt i hetimeve.

Me urdhër të prokurorit të shtetit, trupi i pajetë është dërguar në Institutin e Mjekësisë Ligjore (IML) në Prishtinë, ku do t’i nënshtrohet obduksionit.

Policia e Kosovës ka bërë të ditur se hetimet janë duke vazhduar dhe se pas përfundimit të tyre pritet të sqarohen plotësisht shkaqet dhe rrethanat që çuan në këtë ngjarje tragjike.