Ky është Sabit Zogaj 62-vjeçari që humbi jetën tragjikisht pasi ra nga kulmi i shtëpisë në Prizren

Është mësuar identiteti i personit që humbi jetën në një ngjarje tragjike të ndodhur në Prizren

Viktima është Sabit Zogaj, 62 vjeç, i cili, sipas dyshimeve të para të autoriteteve, pësoi lëndime fatale pasi ra nga kulmi i shtëpisë së tij në rrugën “Kalaja e Krujës”.

Sipas informacioneve paraprake të Policisë së Kosovës, 62-vjeçari dyshohet se ka rënë aksidentalisht gjatë qëndrimit në kulmin e banesës. Si pasojë e plagëve të rënda që mori nga rrëzimi, ai nuk arriti t’u mbijetojë lëndimeve.

Menjëherë pas njoftimit për rastin, në vendngjarje kanë dalë njësitë policore dhe ekipet mjekësore, të cilat kanë konstatuar vdekjen e 62-vjeçarit.

Grupi hetimor ka kryer këqyrjen e vendit të ngjarjes dhe po vazhdon mbledhjen e provave për të sqaruar plotësisht rrethanat në të cilat ndodhi rasti.

Lajmi për ndarjen e tij nga jeta ka pikëlluar familjen, miqtë dhe të afërmit, të cilët kanë marrë ngushëllime të shumta pas publikimit të lajmit.

Familjarët kanë bërë të ditur se ceremonia e varrimit të Sabit Zogajt do të mbahet sot në orën 17:00, në varrezat e Arbanës, ku do t’i jepet lamtumira e fundit.

Autoritetet kanë njoftuar se hetimet janë ende në zhvillim dhe se pas përfundimit të tyre do të sqarohen të gjitha rrethanat që çuan në këtë ngjarje tragjike.

Ngushëllimet më të sinqerta familjes Zogaj.