Vdes një kosovar në bregdet

Mediumi “Indeksonline” ka raportuar se një i moshuar nga Kosova ka humbur jetën sot rreth orës 16:30, në një plazh në Ulqin.

Sipas tyre, viktima ka ndërruar jetë në plazh, ndërsa pretendohet se autoambulanca ka mbërritur me vonesë prej më shumë se një ore.

Pas vonesës së ekipit të ndihmës së shpejtë, në vendin e ngjarjes kanë intervenuar zjarrfikësit, të cilët kanë tërhequr trupin e pajetë të viktimës në drejtim të hotelit.

Shkaqet që çuan në përkeqësimin e gjendjes shëndetësore të viktimës mbeten ende të paqarta.