Gruaja njofton Policinë që i ka humbur burri

Një person rreth 55-vjeçar është raportuar i zhdukur në Gjakovë, ndërsa familjarët kanë kërkuar ndihmën e qytetarëve për gjetjen e tij.

Bëhet e ditur se Shani Krasniqi është larguar nga shtëpia dje rreth orës 09:00, me një veturë të tipit Golf 3, me ngjyrë të kaltër dhe nuk është kthyer më.
Sipas familjarëve, ai është larguar pa telefon, dokumente personale dhe para.

Rasti është paraqitur në Policinë e Gjakovës, e cila ka ndërmarrë veprimet e nevojshme për lokalizimin e personit të zhdukur dhe zbardhjen e rrethanave të rastit.
Familja u ka bërë apel qytetarëve që kanë ndonjë informacion për vendndodhjen e Shani Krasniqit që të lajmërojnë Policinë e Kosovës ose familjarët.