E dhimbshme: Humb jetën tragjikisht në Gjermani i riu nga familja Nazifi

Një lajm i trishtë ka ardhur nga Gjermania, ku i riu Emre Nazifi, me origjinë nga Krusheva, ka humbur jetën tragjikisht.

Lajmi për ndarjen e tij të parakohshme nga jeta është bërë i ditur nga familjarët përmes një postimi në Facebook, duke shkaktuar pikëllim të madh te familja, miqtë dhe të gjithë ata që e njihnin.

Për vdekjen e të riut ka reaguar edhe Universiteti i Tetovës, ku Emre Nazifi ndiqte studimet.

Në mesazhin e tij, Universiteti e ka përshkruar Nazifin si një student shembullor të Katedrës së Gjuhës Angleze, i cili dallohej për përkushtimin ndaj studimeve, sjelljen dhe vlerat e tij njerëzore.

Ndarja e tij nga jeta ka prekur edhe kolegët dhe profesorët, të cilët humbën një student të ri në një moment kur ai ishte duke ndërtuar të ardhmen e tij akademike dhe profesionale.

Deri më tani, rrethanat e plota të vdekjes së Emre Nazifit në Gjermani nuk janë bërë të ditura.

Familjarët pritet të njoftojnë për detajet e ceremonisë mortore, ndërsa mesazhe të shumta ngushëllimi janë përcjellë për familjen e të ndjerit në këtë periudhë të vështirë.