Lajm i mirë: 150 euro shtesë për këta punëtorë

Mjekët që punojnë ekskluzivisht në institucionet publike shëndetësore do të vazhdojnë të përfitojnë edhe gjatë këtij viti shtesën mujore prej 150 eurosh.

Ministria e Shëndetësisë ka njoftuar se është nënshkruar vendimi për vazhdimin e kësaj mbështetjeje financiare, me qëllim të forcimit të sektorit publik shëndetësor dhe vlerësimit të angazhimit të mjekëve që zgjedhin të ushtrojnë profesionin vetëm në institucionet publike.

Sipas ministrisë, kjo masë synon të inkurajojë mjekët që të vazhdojnë punën në sistemin publik shëndetësor, duke kontribuar në përmirësimin e shërbimeve për qytetarët.